Como parte da Responsabilidade Social Corporativa (RSC) destaca o interese pola sustentabilidade. Ademais, caben nela as prácticas relacionadas co bo goberno das compañías, como son:

• A democracia corporativa (as relacións de poder no interior da empresa).
• O espírito de cooperación da empresa cos seus clientes, provedores, competidores, gobernos...
• Os compromisos de transparencia que adquiren as empresas coa sociedade e que se fan efectivos a través da rendición de contas, de informes ou de memorias anuais verificables por organismos externos.
• A cidadanía corporativa, entendida como os dereitos e obrigas da empresa dentro da comunidade á que pertence.

Os antecedentes da RSC remóntanse ao século XIX no marco do cooperativismo e o asociacionismo que buscaban conciliar eficacia empresarial con principios sociais de democracia, autoaxuda, apoio á comunidade e xustiza distributiva. Os seus máximos expoñentes na actualidade son as empresas de Economía social, por definición Empresas Socialmente Responsables.

A RSC pode enfocarse para mellorar:

• A calidade de vida laboral.
• O medio.
• A comunidade onde está instalada a empresa.
• A mercadotecnia para desenvolver unha comercialización responsable.
• A ética empresarial.