Retegal constitúese como empresa pública en virtude do Decreto 58/1997, do 20 de decembro, da Xunta de Galicia, polo que se crea a sociedade Redes de Telecomunicación Galegas Retegal, S.A.

Xestiona e explota infraestruturas, sistemas e servizos de telecomunicacións no ámbito da Comunidade Autónoma de Galicia.

Pola súa propia natureza, a súa actividade oriéntase á prestación de servizos con carácter universal.

Posúe a rede de radiodifusión máis ampla de toda a Comunidade Autónoma, tanto en infraestruturas de transporte coma de difusión

Posúe un capital humano altamente cualificado e experimentado. Na súa maior parte, achegan unha experiencia de máis de 20 anos na xestión e explotación de redes e servizos de telecomunicación.